Monday, September 17, 2007

AOE मधील सम्राटांचा राज्याभिषेक सोहळा!!

हा राज्याभिषेक म्हणजे काही शिवाजी महाराजांच्या राज्याभिषेकाप्रमाणे भव्यदिव्य सोहळा नसून स्वतःच स्वतःचा नामांतर करायचा एक प्रकार आहे (थोडक्यात बारस म्हणा ना!!!). हा एक विशेष चिंतनाचा, त्यांच्या (म्हणजे आपले king of the losers हो!) गर्वाचा आणि आत्मसन्मानाचा विषय आहे.

हे नाव ठेवण्यासाठी कुठलाही विषय वर्ज्य नाहीये. हे नाव लढाऊ विमानापासून ते ओढफुकंणीच्या विविध ब्रँड्स पर्यंत, आपल्या सन्माननिया राष्ट्रपतींपासून ते कुणा प्रसिद्ध (किंवा कुप्रसिद्ध) प्रक्षोभक ललनेपर्यंत, मद्यधुंद अवस्थेचे वर्णन करणारे, त्यांच्या आवडत्या सिनेमा कलाकाराचे, आवडत्या सिनेमाचे, कधी कधी rm, kr, W_clan, lp, Iam अशी सुरवात करून, पौराणिक अथवा ऐतिहासिक योद्धांचे, राजांचे आणि हुकुमशाहांचे अथवा एकमेकांच्या आई-बहिणीचा उद्धार करणारे असू शकते. क्वचितच हे नाव त्यांचे खरे नाव असते.

काही सम्राट त्यांच्या नाववर एवाढे काही ठाम नसतात. त्यांना काहीही नाव चालते. कारण त्यांचा मुख्य उद्देश हा युद्ध खेळणे हा असतो, किंवा ते नाव बदलाण्यास ते उत्सुक नसतात. तर काही जणांना त्यांच्या नावाचा अर्थ देखील माहीत नसतो. आणि हे अशे महान सम्राट युद्धकलेत देखील निपुण नसतात. त्यांना दुसरे काही काम नसते अथवा 'दुसरे','तिसरे' काम करून करून त्यांचे नको ते अवयव दुखायला लागतात तेंव्हा ते AOE कड़े वळतात.

काही सम्राट मात्र आपल्या ठरावीक नावांवर पक्के असतात. हे सम्राट त्यांच्या या कंप्यूटर जगतातील नावास अशी प्रसिद्धी मिळवून देतात की खर्या आयुष्यात सुद्धा तेच नाव प्रचलित होते. हे सम्राट खरेतर ब्रँड मँनेजमेंटच्या विद्यार्थ्यास एक उत्कृष्ट अशी केस स्टडी होत. काहीही धड येत नसताना सुद्धा एखाद्या क्षेत्रात नाव कसे कमवावे हे आपल्या नाकबहाद्दर हिमेशनंतर याच सम्राटांकडून शिकावे. या साहेबंची पद्धत बघा-->
कुठल्याही नवाशिक्या खेळाडूस चैलेन्ज द्यावयाचे "या रे कितीजणा येता ते!! एक एकाची खांडोळी करतो!! या तुम्ही सातजण, 1 on 7 हरवतो!! नाय हरवाला तर नाव बदलीन!!" आणि सोबत वरून पाचाशे रुपयांची शर्यत!!. बिचारे नवीन खेळाडू. करतात ते चैलेन्ज एक्सेप्ट. आणि मग काय विचारता? खानावळीमध्ये जेवणाच्या टेबलावर, भवनच्या प्रत्येक विंगमध्ये एकच चर्चा! लागलेल्या शर्यतीची आणि पाचाशे रुपयांची!! ही चर्चा खूप दिवस रंगते. पोरा एकमेकांना विचारत रहातात की सामना कधी आहे? पण आपले शर्यतबहाद्दर सम्राट टाळाटाळ करतात, कारणे देत बसतात की टेस्ट जवळ आली आहे अथवा आज नको आज मला दुसरे काम आहे वगैरे वगैरे. कारण सम्राटांचे काम झालेले असते. नवीन खेळाडूंमध्ये प्रसिद्धी मिळवायचे कार्य तडीस गेलेले असते आणि पैसेदेखील वाचतात. याला म्हणतात जाहिरातीमधला निपुण मनुष्य!! वादविवादाद्वारे फुकट प्रसिद्धी मिळवण्याच्या तंत्रामध्ये हिमेश देखील या मनुष्याचा हात पकडू शकणार नाही. वरुन ही जाहिरातबाजी कमी की काय म्हणून हा हीरो एक कॅप्शन देखील बनावतो "You try my level, you fail". पहा, परफेक्ट व्यावसाईक दृष्टिकोणाचा एक अस्सल नमूना!! तो एक ब्रँड बनून राहीला आहे बिट्समध्ये! या ब्रँड गुरूस माझा सलाम!!

Friday, September 14, 2007

King of the losers

पहाटेचे चार वाजलेले. सारी चराचर सृष्टी निद्रित. संपूर्ण बिट्स सुद्धा शांतातेची झोप घेतय. काही उद्याच्या टेस्टसाठी भरपूर सारा अभ्यास करून थकलेले. तर काही आता अभ्यास होणे शक्य नाही असे कारण देउन रात्री ११ वाजताच ताणून दिलेले. सर्वत्र शांतता. पण तेवढया मध्ये एक आवाज येतो. राम भवन मधून. रूम नम्बर २७४ ते २७८. ट्यॅ ड्यँव!!! ट्यॅ ड्यँव!!! आणि न जाणे कित्येक प्रकारचे चित्रा विचित्रा आवाज!! कोण आहेत हे पठ्ठे? न उद्याच्या टेस्टचा अभ्यास करत आहेत न शांतपणे झोप घेत आहेत? मग काय करत आहेत हे महाभाग?

हे बिट्स मधले अशे वीर, जे त्यांच्या खुर्ची वर आसनस्थ होउना अथवा त्यांच्या शय्येमध्ये पाय पसरवून लोळत एक महान युद्ध खेळत आहेत. ज्यामध्ये न जाणे कित्येक हज़ार सैन्य मृत्युमुखी पडत आहे आणि कित्येक साम्राज्ये धुलीस मिलत आहेत. तर काही सम्राट स्वतःच्या मुकुटामध्ये मानाचा तुरा रोवत आहेत. आणि हे सम्राट दुसरे तिसरे कोणी नसून आपले निशाचर दोस्त, हारने वालो के बादशाह, King of the Losers. आणि हे युद्ध म्हणजे त्यांचे आराध्य दैवत Age Of Empires हा कंप्यूटर गेम.

या king of the losers चे अनुभव आणि त्यांच्या गमती जमती घेऊन येत आहेत सम्राट पेशवा उर्फ़ श्रीयुत सागर पिसाळ आणि सम्राट eterN1ty उर्फ़ श्रीयुत नृसिंह जवळगांवकर.
This blog is a salute to the legendary bitsians who wasted their college life playing Age Of Empires. Specially the 2004 batch that carried the passion from their seniors, exploited it and turned their rooms into centers of bloodiest battles. Here we will discuss our experiences, funny incidents and much more.